TURRITA

TURRITA
cognomen Mariae Magdalenae, apud Hieronym. Ep. 16. ad Principiam, Qui si recordetur --- tres Marias stantes ante crucem, Mariamque proprie Magdalenam, quae ob sedulitatem et ardorem sidei, Turritae nomen accepit. et prima ante Apostolos Christum videre mwruit resurgentem: quod scil. velut in celsa turre collocata prior coeteris Discipulis Domini resurrectionem detexerit, Car. Macer. Hierolex. Aliter Cybele Turrita, apud Scriptores: nempe Turrita in capite corona, Cybeli seu Deae Hierapolitanae seu Rheae, olim adscripta. Lucianus in Dea Syr. Σημεῖα δὲ ἡ θεὸς τὰ πολλὰ εἰς Π῾έην ἀπικνέεται λέοντες μὲν γὰρ φέρουσι, καὶ τύμπανον ἔχει καὶ ἐπὶ τῇ κεφαλῇ πυργοφορέει, ὁκοῖοι Π῾έαν Λυδοὶ ποιέουσιν, Multua signa adsunt Deae, quae faciant, ut Rhea videatur. Nam et leones ipsam ferunt, et coronam in capite turritam gestat; qualem et Lydt Rheam effingunt. Rationem exponit Lucretius, l. 2. v. 606.
Muralique caput summum cinxêre coronâ,
Eximiis munita locis quod sustinet Urbis.
Quam causam Servius quoque adfert ad Aen. l. 3. Quod autem turritam gestat coronam, ostendit superpositas esse Terrae (quae per Cybelen vel Rheam intellecta) civitates, quas turribus insignitias constat. Atque idem tradit in l. 10. Aen. Idem Phurnutus his verbis: Πυργωτον δὲ ῾ἡ Π῾έἀ περίκειται ςτέφανον, ἤτοι διὰ τὸ κατ᾿ αρχὰς ἐπὶ τῶ ὀρῶν τεθεῖςθαι τὰς πόλεις ὀχυρωτάκου ἕνεκεν, ἢ ἐπεὶ αρχηγόν ἐσι τῆς πρώτης καὶ αρχετύπου οὐσίας τȏυ κόσμου, Turritam circumdata est coronam, vel quia antiquitus in montibus aedificarentur Urbes, quo essent munitiores: vel quo niam esset causa et origo principalis mundi substantiae. Sed prior ratio simplicior est, ut Turrita dicatur, quia Tellus turres et oppida habet. Unde et Maro, l. 10. Aen. v. 252.
Alma parens Idaea Deûm, cui Dindyma cordi,
Turrigeraeque urbes. ———
Ex eo vero, quod Dea gestaret turrim, hinc Matresfamiliâs Romanae convolutos in capite capillos gestabant, ut Varro, de L. L. l. 6. ait. Exstruebant enim in altitudinem multis gradibus ac spiris cumulatam comam; quod Tertullian. l. de Pallio, dixit comam struere: Idemque indicat Iuvenalis, cum ait: Sat. 6. v. 502.
Tot adhuc compagibus altum
Aedificat caput.
Et Lucanus, l. 2. v. 358.
Turritaque gerens frontem Matrona coronâ.
Vide supra Lampadion, alibique passim et infra Uxor. Quem morem hodieque servare, atque adeo tegumentô gaudere turrim imitante, feminas Turcicas, oculatus testis fuit P. Gillius, qui sic de Bosporo, l. 2. c. 19. Templum Phrygiae Deae, Matri Deorum, Rheae nuncupatae, in clivis debuit potius esse, quam in maritima civitate; ex eo, quod montibus gaudeat, ideoque ὀρεία appelletur, et Turrita Dea, quia olim arces, quibus Rhea patrocinatur, in montibus sitae essent, ob loci robur. Rheam, habentem caput turritum, mulieres Cilices et Turcicae et Mysae imitantur, ferentes capitis tegmen, turris similitudinem gevens. Vide quoque infra, in voce Tutulus.

Hofmann J. Lexicon universale. 1698.

Look at other dictionaries:

  • Turrita — Turrita, Fra Mino od. Giacomino, geb. in Siena; erster italienischer Musivmaler von Bedeutung, von welchem die Mosaiken in Sta. Maria Maggiore in Rom u. die in der Tribüne von S. Giovanni in Florenz gefertigt sind; starb um 1289 …   Pierer's Universal-Lexikon

  • Turrita Italia — Ein Beispiel der Italia Turrita: das Denkmal für Italien in Reggio Calabria Turrita Italia oder abgekürzt Italia ist die Nationalallegorie (oder nationale Personifikation) von Italien, welche durch eine Mauerkrone (oder auch „mit Türmen“ aus dem… …   Deutsch Wikipedia

  • Arabis turrita — Arabette Tourette Arabette Tourette …   Wikipédia en Français

  • Pseudoturritis turrita — Arabette Tourette Arabette Tourette …   Wikipédia en Français

  • Italia Turrita — Estatua de Italia Turrita ubicada en la Regio de Calabria. Italia Turrita es la personificación nacional o alegoría de Italia, cuya característica principal es una corona mural (de ahí el nombre turrita o con torres en italiano) típica de la h …   Wikipedia Español

  • Italia turrita — Statue de l Italia turrita à Reggio de Calabre. L Italia turrita est une figure allégorique féminine personnifiant l Italie. Sa principale caractéristique est une couronne murale  …   Wikipédia en Français

  • Italia Turrita — is the personification or allegory of Italy, characterised by a mural crown (hence turrita or with towers in the Italian language) typical of Italian civic heraldry of communal origin.Italia Turrita is a woman with typical Mediterranean… …   Wikipedia

  • B&B Città Turrita — (Асколи Пичено,Италия) Категория отеля: Адрес: Via Milano, 6, 63100 Асколи Пичено …   Каталог отелей

  • Mater Turrita — /too ree teuh/, Rom. Relig. Cybele. * * * …   Universalium

  • Arabis turrita — noun European cress having stiff erect stems; sometimes placed in genus Turritis • Syn: ↑tower cress, ↑tower mustard • Hypernyms: ↑rock cress, ↑rockcress • Member Holonyms: ↑Arabis, ↑ …   Useful english dictionary

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.